Gazal
|
Gazal us ne chhe.Dii mujhe saaz denaa zaraa umr-e-raftaa ko aavaaz denaa [Safi Lucknawi]  kuchch to pa.Dhiye ki log kahate hai.n aaj Gaalib Gazal-saraa na huaa [Mirza Ghalib] kaise sukuun paa_uu.N tujhe dekhane ke baad ab kyaa Gazal sunaa_uu.N tujhe dekhane ke baad [Saeed Shahidi] baqadr-e-shauq nahii.n zarf-e-tanganaa-e-Gazal kuchh aur chaahiye vusat mere bayaa.N ke liye [Mirza Ghalib] kuchch to pa.Dhiye ki log kahate hai.n aaj Gaalib Gazal-saraa na huaa [Mirza Ghalib] mai.n chaman me.n kyaa gayaa goyaa dabistaa.N khul gayaa bulbule.n sun kar mere naale Gazal-Khvaa.n ho ga_ii.n [Mirza Ghalib] sadqe "Firaq" ejaaz-e-suKhan ke kaise u.Daa_ii ye aavaaz in Gazalo.n ke parde me.n to miir kii Gazale.n bole hai.n [Firaq Gorakhpuri] bhiigii hai raat "Faiz" Gazal ibtidaa karo vaqt-e-sarod, dard kaa hangaam hii to hai [Faiz Ahmed Faiz] sajaao bazm Gazal gaao jaam taazaa karo bahut sahii Gam-e-getii sharaab kam kyaa hai [Faiz Ahmed Faiz] ab bhii Khizaa.N kaa raaj hai lekin kahii.n kahii.n goshe rah-e-chaman me.n Gazal-Khvaa.N huye to hai.n [Faiz Ahmed Faiz] ab teraa zikr bhii shaayad hii Gazal me.n aaye aur se aur huaa dard kaa unavaa.N jaanaa.N [Ahmed Faraz] ga_ii umr dar band-e-fikr-e-Gazal so is fan ko aisaa ba.Dhaa kar chale [Meer Taqi Meer] ham se puchho Gazal kyaa hai Gazal kaa fan kyaa hai chand lafzo.n me.n ko_ii aah chhupaa dii jaaye [Unknown] karuu.N na yaad agar kis tarah bhulaa_uu.N use Gazal bahaanaa karuu.N aur gungunaa_uu.N use [Ahmed Faraz] Gazal me.n bandish-e-alfaaz hii nahii.n sab kuchh jigar kaa Khuun bhii kuchh chaahiye asar ke liye [Unknown] bedard sunanii ho to chal kahataa hai kyaa achchhii Gazal aashiq teraa rusavaa teraa shaayar teraa inshaa teraa [Ibne Insha] Khaamushii me.n hazaar Gam sahanaa kitanaa dushvaar hai Gazal kahanaa [Unknown] varnaa ab talak yuu.N thaa Khvaahisho.n kii baarish me.n yaa to TuuT kar royaa yaa Gazal-saraa_ii kii [Ahmed Faraz] vo miir kii Gazal ho ki Gaalib kii shaayarii naGme tamaam saaz-e-rag-e-jaa.N se aaye hai.n [Ibrahim Faiz] ye mahakatii hu_ii Gazal "Makhdoom" jaise saharaa me.n raat phuulo.n kii [Makhdoom Mohiuddin] "Faiz" mai.n shaayar vahii huu.N shaam-e-tanhaaii me.n kal dha.Dakano.n ke saaz par jis kii Gazal gaa_ii ga_ii [(Ibrahim ?) Faiz] "Asghar" Gazal me.n chaahiye vo mauj-e-zindagii jo husn hai buto.n me.n jo mastii sharaab me.n [Asghar Gondvi] daaG ke sher javaanii me.n bhale lagate hai.n miir kii ko_ii Gazal gaa_o to kuchh chain pa.De [Ganesh Bihari Tarz] tanahaa apane aap ko jab paaiiiye janaab merii Gazal ko saath liye jaayiye janaab [Unknown] phuulo.n me.n Gazal rakhanaa ye raat kii raanii hai is me.n tere zulfo.n kii ba-rabt kahaanii hai [Bashir Badr] ye shabanamii lahajaa hai aahistaa Gazal pa.Dhanaa titallii kii kahaanii hai phuulo.n kii zabaanii hai [Bashir Badr] mere Gazal terii vahashato.n kii Khair ki hai bahut dino.n se bahut iztaraab aa.Nkho.n me.n [Iftikhar Arif] Gazal ne vahii.n zulfo.n ke phailaa diye saaye jin raaho.n pe dekhaa hai bahut dhuup ka.Dii hai [Bashir Badr] vo maathaa ke matalaa ho ki ho.nTho.n ke do misare bachapan se Gazal hii merii mahabuubaa rahii hai [Bashir Badr] dard siine se uThaa aa.Nkh se aa.Nsuu nikale raat aa_ii to Gazal kahane ke pahale nikale [Unknown] Gaalib tere zamiin pe likhii to hai Gazal tere qad-e-suKhan ke baraabar nahii.n mai.n [Unknown] mere jaise ban jaaoge jab ishq tumhe.n ho jaayegaa tum merii Gazale.n gaaoge jab ishq tumhe.n ho jaayegaa [Unknown] kabhii to mere liye bhii TuuT kar mujh se milo ye kyaa ke merii Gazal ko hii sarahaate rahanaa ['Saher'] gar tuu mushaayare me.n sabaa aaj kal chale kahiyo "Azim" se ke zaraa vo sa.nbhal chale pa.Dhane jo yaar shab ko Gazal dar Gazal chale bahar-e-rajaz me.n Daal ke bahar-e-ramal chale [Mirza Rafiuddin Sauda] Note: Actually this is part of a HIJV directed towards Mirza Azim Beg Chughtai. A hijv is a satirical poem written to abuse or condemn someone. It is generally considered a low form of poetry and normally avoided by reputed poets. kar ke tukbandii tarannum se Gazal mai.n ne pa.Dhii aur sab kahane lage "Bekal" bhii shaayar ho gayaa [Bekal Barhanpuri] shikaayat un se karanaa go musiibat mol lenaa hai magar "Aajiz" Gazal ham be-sunaaye dam nahii.n le.nge [Kaleem Aajiz] raushan cheharaa bhiigii zulfe.n kis ko duu.N kis par tarjiih ek qasiidaa dhuup pe likhuu.N yaa ek Gazal barasaat ke naam [Malikzada Manzoor] dil dard kii bhaTTii me.n ka_ii baar jale hai tab ek Gazal husn ke saa.Nche me.n Dhale hai [Kaleem Aajiz] Gazal kaho ke ye haal ab Gazal ke qaabil hai pakaa pakaa hai kalejaa dukhaa dukhaa dil hai merii Gazal ko merii jaan faqat Gazal na samajh ik aa_iinaa hai jo har dam tere muqaabil hai [Kaleem Aajiz] ye vazaa-e-vafaadaarii "aajiz" na badal denaa vo zaKhm tujhe denge tum un ko Gazal denaa [Kaleem Aajiz] kal kahate rahe hai.n vahii kal kahate rahe.nge har daur me.n ham un pe Gazal kahate rahe.nge [Kaleem Aajiz] chhuri jin ke haatho.n se khaanaa pa.De hai gazal bhii unhii.n ko sunaanaa pa.De hai [Kaleem Aajiz] aazamaana hai to aa baazuu dil kii quvvat tuu bhii shamshiir uThaa ham bhii Gazal kahate hai.n [Kaleem Aajiz] husn ko chaa.Nd javaanii ko ka.Nval kahate hai.n un kii suurat nazar aaye to Gazal kahate hai.n [Qateel Shifai] jis ne bhii ha.Ns ke baat kii ham us ke ho liye zulfo.n kii ThaNDii chhaao.n milii aur so liye kahanaa kisii Gazal kaa dushvaar bahut hai goyaa jigar ke Khuun se motii piro liye [Unknown] Gazal rudaad hai naakaamiyo.n kii Gazal maharumiyo.n kii daastaa.N hai Gazal riste hue zaKhmon kaa marham Gazal ek chaaraa-e-dard-e-nihaa.N hai Gazal kaa husn hii hai husn-e-aalam Gazal kaa nuur hii nuur--e-jahaa.N hai [Jagdish Bhatnagar 'Hayaat'] duniyaa banii to hamd-o-sunaa ban ga_ii Gazal utaraa jo nuur nuur-e-Khudaa ban ga_ii Gazal guu.Njaa jo naad_brahm, banii raqs-e-mahar-o-maah zarre jo thar-tharaaye sadaa ban ga_ii Gazal chamakii kahii.n jo barq to ehasaas ban ga_ii chhaa_ii kahii.n ghaTaa to adaa ban ga_ii Gazal aa.Ndhii chalii to qahar ke saa.Nche me.n Dhal ga_ii baad-e-sabaa chalii to nashaa ban ga_ii Gazal haivaan bane to bhuuk banii bebasii banii insaan bane to jazb-e-vafaa ban ga_ii Gazal uThaa jo dard-e-ishq to ashko.n me.n Dhal ga_ii bechainiyaa.N ba.Dhii to duaa ban ga_ii Gazal zaahid ne pii to jaam-e-panaah ban ke rah ga_ii rindo.n ne pii to jaam-e-baqaa ban ga_ii Gazal arz-e-dakkan me.n jaan to dilli me.n dil banii aur shahar lakhanau me.n hinaa ban ga_ii Gazal dohe rubaa_ii nazme.n sabhii 'Tarz' the magar asnaaf-e-shaayarii kaa Khudaa ban ga_ii Gazal [Ganesh Bihari 'Tarz'] |
URL: http://www.unwaan.com
Last updated on: 21st December, 2005