jii Dhuu.NDhataa hai ghar koii dono.n jahaa.N se duur
Fani Badayuni
jii Dhuu.NDhataa hai ghar koii dono.n jahaa.N se duur
is aapakii zamii.n se alag, aasmaa.N se duur
shaayad mai.n daraKhur-e-nigah-e-garm bhii nahii.n
bijalii ta.Dap rahii hai mere aashiyaa.N se duur
aa.Nkhe.n churaake aapane afasaanaa kar diyaa
jo haal thaa zabaa.N se qariib aur bayaa.N se duur
taa arz-e-shauq me.n na rahe bandagii kii laag
ik sajdaa chaahataa huu.N terii aastaa.n se duur
hai manaa raah-e-ishq me.n dair-o-haram kaa hosh
yaani kahaa.N se paas hai manzil, kahaa.N se duur